फुले आणि पत्री (Phule aani patri)




पुस्तक - फुले आणि पत्री (Phule aani patri)
लेखिका - माधुरी शानभाग (Madhuri Shanbhag)
भाषा - मराठी (Marathi)
पाने - १३९
ISBN - 81-7766-736-x


माधुरी शानभाग यांच्या लेखांचा हा संग्रह आहे. त्यांच्या लहानपणच्या आठवणी, छोटे मोठे किस्से, मुलांचे जन्म आणि त्यांना वाढवतानाचे अनुभव, नवी पिढी- जुनी पिढी यांच्या विचारासारणीतले व वागण्यातले फरक असे साधारण विषय आहेत. एकत्र कुटुंबातली धमाल, लग्न सराईचे दिवस, मुलं वाढवताना होणारी दमछाक, हल्लीची कॉलेजमधली पिढी चं वागणं आणि ती वाटते तितकी वाईट नाही असे कितीतरी छोटे मोठे प्रसंग लेखांमध्ये आहेत 


अनुक्रमणिका


काही लेखांवर नजर टाकूया.

लेखिकेचे बालपण बेळगावात गेले. तिकडची खास मराठी व मराठी-कानडी-कोंकणी-मालवणी-हिंदी यांच्या एकमेकांवर होणारा परिणाम त्यांना नातेवाईकांच्या बोलण्यात कसा जाणवायचा याबद्दलच्या लेखातला भाग



जुन्याकाळाची खेळणी आणि हल्लीच्या मुलांची खेळणी यात कसा फरक पडला आहे. याचं चित्रण करणारा लेख. गंमत म्हणजे लेखातला "हल्ली" हा ९० च्या दशकातला असावा. तो सुद्धा आता किती कालबाह्य झालाय हे आपल्याला वाचताना जाणवतं


एकत्र कुटुंबातली, पूर्वीची लग्नं





नातेसंबंध आणि त्यातल्या तडजोडींवर मुक्त चिंतन करणारा लेख



लेखांवरून कळतं की लेखिकेचे लहानपण सुखवस्तू एकत्र कुटुंबात गेले आहे. लग्नानंतर प्राध्यापिका म्हणून नोकरी आणि गृहिणी अश्या दोन्ही जबाबदाऱ्या पाळत भरल्या घरात त्यांचा संसार चालू आहे. त्यामुळे आज साठी-सत्तरीच्या असलेल्या मध्यमवर्गीय, सवर्ण समाजातल्या स्त्रियांचे जे मनोविश्व यात रेखाटले गेले आहे. माझ्या आजीच्या भाषेत अगदी "बायकी" लेख आहेत. भाषा साधी सरळ आहेत. वाचायला कंटाळा येत नाही. पण खूप उत्सुकता वाटेल किंवा खूप वेगळं काही वाचतोय असं सुद्धा वाटत नाही.  स्मरणरंजनातून मनोरंजन करणारं एक हलकं फुलकं पुस्तक म्हणून वाचायला हरकत नाही.




———————————————————————————-
मी दिलेली पुस्तक श्रेणी :- 
वाठीनावाठी ( वाचलं तर ठीक नाही वाचलं तरी ठीक )
———————————————————————————-

———————————————————————————-
आवा ( आवर्जून वाचा )
जवा ( जमल्यास वाचा )
वाठीनावाठी ( वाचलं तर ठीक नाही वाचलं तरी ठीक )
नावाठी ( नाही वाचलं तरी ठीक )
———————————————————————————-




No comments:

Post a Comment

नरभक्षकाच्या मागावर (Narabhakshakachya Magavar)

पुस्तक - नरभक्षकाच्या मागावर (Narabhakshakachya Magavar) लेखक - केनेथ अँडरसन Kenneth Anderson अनुवादक - संजय बापट (Sanjay Bapat) भाषा - मराठ...